ओ कामरेड अझै चोरीको गाडी नछोड्ने ?

विद्रोह कालमा माओवादीले जनताका मात्र होइन सरकारी संस्थानका समेत सवारी साधन जबरजस्ती कब्जा गरे । त्यतिमात्र कहाँ हो र ? भारतबाट चोरीका गाडी समेत भित्र्याएर आफ्नै जनसत्ताको नाममा चलाए । तर शान्ति सम्झौता पछि अनि आफैं पनि सरकारमा गएपछि पनि त्यस्ता चोरीका गाडी फर्काउनु पर्दैन त ?



यो माथिको तस्वीरको गाडी कसको हो चाहीँ मलाई ठ्याक्कै थाहा भएन । सिंहदरबारमा रहेको माओवादी संविधानसभाको दलको कार्यालयमा पार्किङ गरिएको थियो । सरकार र माओवादी बीच गत वर्ष नै एक वर्षका लागि माओवादीले चलाएका चोरीका त्यस्ता गाडी चलाउन पाउने र त्यसपछि तिनलाई सरकारलाई हस्तान्तरण गर्नुपर्ने सहमती भएको थियो । त्यसैको आधारमा सरकारले अरुको भन्दा भिन्नै नम्बरप्लेटको व्यवस्था पनि गरिदिएको थियो । तर आज सम्म पनि माओवादी नेता चोरी तथा लुटेको गाडीमा पंहेलो प्लेट राखेर चलाइरहेका छन् । त्यतिमात्र कहाँ हो र ? सरकारी र नीजि नम्बर प्लेट हाल्ने पनि कम छैनन् । हैन ओ कमरेड चोरीका गाडी फिर्ता नगर्ने ?

के नेपाल सतीले सरापेको देश नै हो त ?

सानो देखी मैले सुन्दै आएको छु । नेपाल सतीले सरापेको देश हो रे । सराप पनि खतरा नै रहेछ । नेपालमा राम्रो गर्नेको कहिल्यै भलो नहोस् । त्यसरी सरापेको समय देखी सतीको सरापका कारण नेपालमा राम्रो गर्न खोज्नेको कहिल्यै भलो भएको छैन रे ।

रुख पनि सिधा भयो भने पहिले काटिन्छ रे अनि मान्छे असल भयो भने छिटो मासिन्छ रे ! सुनेको हो सानामा । नेपालमा पनि भएको छ त्यही नै । राजा वीरेन्द्रको सारा वंश नै उनी असल भएका कारण खतम भयो । मदन भण्डारीलाई सडक दुर्घटनामा पारियो । वीपीलाई पनि बाँकी राखिएन । नेपालको शिर उच्च राख्न भारतसँग नझुकेकै कारण महेन्द्रले आत्महत्या गर्नुपर्‍यो ।

भिमसेन थापा, अमरसिंह थापाले देशको लागि भलो सोच्दा आत्महत्या गर्नुपर्‍यो । यस्ता सयौं उदाहरण छन् इतिहासमा । जसले भलो गर्‍यो कि मर्‍यो ।



पृथ्वीनारायण शाह श्री ५ बडामहाराजाधिराज, जसले आफ्नो सम्पूर्ण युवाकाल रणमैदानमा बिताएर सुन्दर, शान्त अनि विशाल नेपाल सृजना गर्‍यो उनैका सालिक चोकमा तोडिएको अवस्थामा छ । आज नेपाललाई भारतीय शासकका सामु झुकाउन तल्लिन चाकरहरुको सम्मान भइरहेको छ । तथानाम राष्ट्रिय स्रोत साधन भारतीय शासन समक्ष बुझाउने अनि राष्ट्रघाती सन्धी गर्नेहरु, नदी सँगै राष्ट्रिय स्वाभिमान बेच्नेहरु ठूला भएका छन् । सम्मानित भएका छन् ।

राजतन्त्र अनि गणतन्त्रको नाममा नेपालको इतिहास मेट्ने अनि नेपाली पहिचान खतम गर्ने खेल सुरु भएको छ । सत्ता टिकाउन भारतीय आशिर्बादका लागि राष्ट्रघात गरिएको छ । ऐतिहासिक व्यत्तित्वका नाम अनि शालिक भञ्जन गर्नेहरु बढेका छन् ।
तर इतिहासमा काला काम गर्नेहरुको राज चलेको छ । नरसंहार मच्चाएरै राणाहरुले १०४ वर्षशासन गरे । त्यस्तै नरसंहार चलाएर अहिले माओवादी पनि सरकारमा आसिन भएका छन् ।

आज माओवादीको त्यही सरकारले राजाका नाममा भएको भन्दै विभिन्न तीन नगरपालिकाको नाम परिवर्तन गरेको छ । जसअनुसार
गोरखाको पृथ्वीनारायण नगरपालिका - गोरखा नगरपालिका हुनेछ, दाङको त्रिभुवन नगरपालिका - घोराही नगरपालिका र महेन्द्रनगर नगरपालिका - भीमदत्त नगरपालिका
हुनेछ ।

आफ्नो सिद्धान्त विपरितका व्यक्तिका सबै अवशेष र इतिहास मेटाउन खोज्ने माओवादीको नियतका साथ इतिहासमा राज गरेका नेपाली राजाका नाममा राखिएका सबै स्थानका नाम परिर्वतन गर्ने काम भएका छन् । विगतमा भावावेशमा आएर नेपाली काँग्रेस जस्तो प्रजातान्त्रिक मुल धार सम्हालेको भन्ने पार्टी पनि यस्तै अतिवादी निर्णय गरेको थियो । यो सरासर अतिवादी निर्णय हो माओवादी सरकारको । आफूलाई साथ अनि मत नदिनेको ज्यानै लिनेहरुले नाम फेर्नु ठूलो र अचम्म लाग्दो कुरा चाहीँ होइन । तर यसले नेपालमा बढिरहेको अतिवादी सोचलाई देखाउँछ । मुलधारका दल नै अतिवादमा लागे भने यही रुपमा अगाडी बढे भने नेपाल अफगानिस्तान बन्न बेर लाग्दैन । अतिवाद नै त्यो गोरेटो हो जुन आतंकवादमा गएर टुंगिन्छ ।

के नेपाल साँच्चिकै सतीले सरापेको मुलुक हो ? के यहाँ राम्रो सोच्ने अनि गर्नेको कहिल्यै भलो हुँदैन ? अनि मृत्युपछि पनि हुँदैन त ?

छठको रानीपोखरी

संसदिय प्रजातन्त्र भएको संवैधानिक राजतन्त्रात्मक हिन्दू अधिराज्यमा वर्षो एकपटक मात्र छिर्न पाइन्थ्यो रानीपोखरीमा । अरु बेलामा बाहिरबाट हेरेरै मन बुझाउनुपर्ने ।काठमाण्डौं महानगरपालिकाको नाफाखोरीका कारण महोत्सव गर्दा पैसा तिरेर भित्र छिरे हो नत्र त उही भाईटिका कुर्नुपर्‍थ्यो । पछि पुनस्थापित संसदबाट बनेका सरकारले छठका लागि पनि मन्दिर बाहेक रानीपोखरी परिसर खुला गर्ने गरेपछि वर्षो दुई दिन भित्र छिर्न पाउने त अधिकार नै भयो । आफू भाईटिकामा छिर्न नजाने अघिल्ला छठमा पनि नगएको आज साँझ छिरें रानीपोखरी । अनि खिचियो फोटोहरु खच्याक खच्याक । शिवमन्दिर र रानीपोखरी एंगल एंगलबाट खिचियो नि हेर्नुस् न ।

नयाँ नेपालको नयाँ बिहे

मंसिर आउन अझै एक महिना बाँकी छ । वैदिक तरिकाले विवाह गर्ने हो भने । नत्र त आजकलको विवाहका लागि केहीले छेक्दैन केटा केटीको कुरा मिले पुग्छ । न साइत न त चिना नै जुराउनुपर्ने । त्यसैले त भन्नेहरुले बाटो राख्देका छन् मियाँ बीबी राजी तो क्या करेगा काजी ।

काजीले मात्र होइन दुई जनाको सहमती भएपछि कसैले केही गर्न सक्दैन हो विवाहको मामलामा । त्यसमा पनि नयाँ नेपाल नयाँ थालनी गर्ने समय छ । नेपाल नै नयाँ भएपछि अब जिवनशैली र पद्दती पनि त नयाँ हुनुपर्‍यो नभए बनाउनु पर्‍यो चलन हैन ! त्यस्तै नयाँ विवाह पद्दतीको सुरुवात गरेका छन् दमकका एक जोडिले ।

पुतलीलाई पच्छ्याउँदा

विजया दशमी नेपालीहरुको महान र राष्ट्रिय पर्व । लामो बिदा अनि पारिवारिक जमघट । यही लामो बिदा र भरखरै प्राप्त भएको नयाँ क्यामेराको सदुपयोग गर्न म पनि हिंडे फोटो खिच्न ।



पंक्षिको तस्विर खिच्न हिंडेको म उडेपछि एउटा डाँडाबाट अर्कोमा पुग्ने चरा भन्दा पनि फुर्र फुर्र गर्ने पुतलीको पो पछि पछि लागें त । यि नै हुन मेरा पुतली .........







हृयाप्पी बर्थ डे टु मी

आज मेरो जन्मदिन । आजैबाट मैले कटुवाल डट कमलाई नियमित ब्लग बनाउने निर्णय गरेको छु । आज जन्मदिनको सानो तिनो पार्टी गरेको कारण थकानले केही लेख्ने मुड छैन भोलि देखि नियमित लेख्ने नीतिगत निर्णय गरेको छु ।

आजको दिन बहुत रमाइलो बित्यो । बुबाले विहान चार बजे नै फोन गरेर शुभकामना दिनुभएको थियो त्यसको दश मिनेट पछि नै मेरा हजुरबुबा र हजुरआमाको फोन आयो । भाईले हृयाप्पी बर्थ डे टु यू भन्दै मलेशियाबाट फोन गर्दा त बहुत आनन्द लाग्यो । मेसेजका टोनले पनि विहानभर धर दिएनन् । देश विदेशमा रहेका साथीहरुको फोन र मेसेज रिसिभ गर्दैमा दिन ढल्यो । साँझ चार बजे सानो पार्टी कलेजका साथी र अंकल, दाई अनि दिदीका साथमा । साँझ लोडसेडिङ दिन चैट ।

केही तस्विरहरु जन्मदिनका

इन्द्रजात्राको बयान

नेपाल एकिकरणमा लागेका बडामहाराज पृथ्वीनारायण शाहले इन्द्रजात्राको दिनमा काठमाण्डौं माथि विजय प्राप्त गरेको इतिहास भएको देशका प्रधानमन्त्री प्रचण्ड इन्द्रजात्राकै समयमा भारत गएका छन् । के उनले पनि कुटनीतिक क्षेत्रमा सफलता पाउलान् त ?

साँझको पशुपति र साझा चितामा जल्नेहरु

फूलको आँखामा फूलै संसार

बादलुको संसार

बादलको सन्दर्भलाई जोडेर धेरै गीतकारले गीत लेखेकाछन् त धेरैसंगीतकार र गायकले त्यसमा संगीत र स्वर दिएका छन् । चाहे बादलुको घुम्टोले इलाम बजार छोपोस् या बादलुको देशमा हराउन मनलागोस् ।

सानो छँदा म पनि आकाशमा बादलका विभिन्न आकार हेरेर रमाउने गर्दथें कतै बिरोलो जस्तो त कतै मान्छे जस्तो आकार बादलको । अनि हावा सँगै बादलको परिवर्तित गति ओह कति रमाइलो। बादलको रंग सँगै सानामा दंग परेको फ्यासब्याकमा पो पुगें म त !

हृयाप्पी तीज

पार्वतीको सिको
जिन्समा तीज
पतिको दिर्घायुका लागि आफ्नै आयु घटाउने ?

आमाको सिको
तीजको नचाइ

प्रधानमन्त्री चीन प्रस्थान

व्रि्रोहीबाट सत्ता सम्हाल्न पुगेका प्रधानमन्त्री पुष्पकमल दहाल आज चीन प्रस्थान गर्नुभएको छ । नेपालको विशेष सम्बन्ध भएको भनिएको भारतको भ्रमण नै नगरी प्रधानमन्त्री चीन जानुले विशेष राजनीतिक महत्व राख्ने बताइन्छ । प्रधानमन्त्री चीन जानु अगाडी नै भारतले भारत भ्रमणको निम्तो दिएको र प्रधानमन्त्रीलाई चीन नजान नाजायज दबाब दिएको भन्ने कुरा शहरमा चर्चामा रहेको छ ।

प्रचण्ड सम्बोधन

विपत्तिमा देश

गाईजात्रामा उपराष्ट्रपती

हिन्दीमा सपथ लिएका र हिन्दीलाई नै नेपालको राष्ट्रिय भाषा बनाउने आफ्नो मधेशी जनाधिकार फोरमको नीति बताउने परमानन्द झालाई कीर्तिपुरका युवाले यस्तो रुप दिए । भारतीय झण्डा सहितको ब्रिफकेस साथै बन्दुक पनि उनको साथमा देख्न सकिन्छ भने उनको ढाडमा के लेखिएको छ त्यो त तस्विरमै स्पष्ट सँग देखिएको छ ।